ˈWƆN ˗GƆ 5
ˈSëëdhɛ ˗wo pö ˗kɔ ˗së
1 Timote 4:13
ˈPË ˈÜ DHO ˗A KË: ˗Wo ˗nu ˈwo ˗ya ˗sü ˈka, ˗bhö ˗an ˗wo pö ˗së ˈka ü ˗wo ˗ta.
Ü ˗DHO ˗A KË ˗KƆ ˗KË ꞊DHƐ?:
-
Ü ˗de baaˈˈ ˗së ˈka. ˈPë ˗kë ˈwo ˗wo ˗nu bhë ˗an ˗ya, ˗bhö ü ˗zota ˗a ˈgü. ˗Wo ˗nu ˈwo ˗ya ˗sü ˈka, ˗bhö ˗an ˗wo ˗pö ˈdɔɔndhö ˗sü draanˈˈ. ˗Bhö ü ˈgü dɔ ˈˈgbɩɩ˗ kö ˈbha ˈdho ˗lö ˗wo ˈbha ˗ta, ɛɛnˈˈ kö ˈbha ˈdho ˗wo ˈbha ˈsü ˗a ˈˈwɛɛ ˈbhaa ˈka, ɛɛnˈˈ ˈzü kö ˈbha ˈdho ˗wo ˈˈwɛɛ ˈbhaa ˗da ˗a ˗ta. ˗Bhö ü ˗zoto pë ˗nu ˈwo ˗wo ˗bhüöö ˗dhɛ ˈö ˈdhö ˗a ˈˈdhiʋ̈todhɛ ˈgü, ˗a ˈˈpiʋ̈.
-
˗Wo kpö ˗dhɛ ˈö ˈdhö ˗a ˗wo pö ˗së ˈka. ꞊Ya kë ꞊dhɛ ˈbhaa ˗wo ˈbha pö ˗kɔ dɔ ˗së ˈka, ˗bhö ˗dhɛga dishiɔnnɛɛ ˈgü, ɛɛnˈˈ ˗bhö ü ˈˈtʋ ˈto ˗a pö ˗kɔ ˗bha, ɛɛnˈˈ ˈzü ˗bhö ˗a pö ˈsëëdhɛ ˗wopömɛn ˈˈgbɩɩ˗ do ˗dhɛ kö ˗ya ˗zɔn ü ˗dhɛ.
-
˗Bhö dhiaŋ zë ˈˈpuu ˈka. ˗Wo ˗nu ˈwo ˗ya ˗sü ˈka, ˗kɔ ˈwo ˗an pö ˗a ˈka, ˗bhö ˗an pö ˗a ˗kɔ ˗bha. Ü ˗gɔ luuˈˈ kö ˈü ü ˈˈdhi ˈˈpʋ ˗së ˈka. ˗Bhö ü ˈgü dɔ ˈˈgbɩɩ˗ kö ˈü dhiaŋ zë ˈˈpuu ˈka.