I yɛrɛ labɛn koɲuman: I bena min kalan, miiri k’a filɛ fɛɛn min kama o sɛbɛra. Kumaden minw be taga ɲɔgɔn fɛ, kana u kalan kelen kelen, nka i yɛrɛ degi k’u kalan ɲɔgɔn fɛ. Kana pan dɔw kan, kana dɔw kalan dɔ wɛrɛw nɔɔ na wala ka dɔw fɔ minw tɛ i ka sɛbɛ kan. N’i be kalangwɛ kɛra, i janto kɔriw, tomiw, ani tagamasiɲɛ wɛrɛw la.

Kumaden kelen kelen bɛɛ kalan ka ɲɛ: N’i t’a lɔn kumaden dɔ be kalan cogo min na, i be se ka filɛri kɛ daɲɛgafe dɔ kɔnɔ, ka gafe dɔ kalan lamɛn wala k’a ɲini kalankɛla ɲuman dɔ fɛ a k’i dɛmɛ.

Kuma ka gwɛ: I kuun kɔrɔta ani i daa yɛlɛ ka ɲɛ walisa ka se ka kumadenw kalan ka ɲɛ. I seko bɛɛ kɛ ka kanɲɛ kelen kelen bɛɛ fɔ ka gwɛ.