Tuene komezen. Dzeng na o yem amu dzé éfus wò yi lang é nga tiliben. Karege lang bibug fufulu, seki ve dzidzia. Bò okala na o za bag bibug a nlangʼen, a dang bivòk, ngeki a fòl biè ai bife. Nòng ngap ai metòn mese ma tsendé king nkòbò.

Tuene fali ébug ése. Nge wò yem ki ane ba lang ébug zing, dzeng dzò a kalara ntimen bibug, vogolo nlangʼen minleb miaan, ngeki na siligi é mot a yem lang na a vòli wò.

Tuene kuli nkòbò. Tuene fali bibug, berégé nlo a yob, ai tuene yèè anyu doé. Vaa mengul na o fali bibug bise a sang.