Siesie woho yie. Dwendwen siantsir a wɔkyerɛɛw dɛm asɛm no ho. Mma mmbobɔ nkasafua dzin nkorkor, mbom sũa dɛ ebɛkenkan no dɛ kuw. Hwɛ yie dɛ eremmfa kasafua bi a onnyi hɔ nnhyɛ hɔ, erommbɔ bi nntra, anaa eremmfa kasafua fofor nnhyɛ bi ananmu. Hyɛ kasa mpaapaamudze nyina nsew.

Bɔ kasafua biara dzin yie. Sɛ innyim mbrɛ wosi bɔ kasafua bi dzin yie a, hwɛ mbrɛ wosi bɔ no wɔ nkasafua nkyerɛase nwoma mu, tsie nwoma no n’akenkan a wɔbɔ tsie no, anaa bisa obi a onyim akenkan yie ma ɔmboa wo.

Kasa ma no mu nda hɔ. Sɛ erekenkan a, ma wo tsir do, bue w’ano na sie abotar bobɔ nkasafua dzin yie. Bɔ mbɔdzen dɛ ebɔbobɔ nkasafua no ma no mu ada hɔ.