Fyrireika teg væl. Hugsa um, hví teksturin er skrivaður. Øva teg at lesa bólkar av orðum, heldur enn at lesa eitt orð í senn. Ansa eftir, at tú ikki leggur orð aftrat, loypur nakað um ella skiftir nøkur orð út. Hav teknsetingina í huga, eitt nú komma, punktum og spurnartekn.

Úttala hvørt orð rætt. Veitst tú ikki, hvussu eitt orð skal úttalast, kanst tú til dømis finna tað í eini orðabók ella biðja ein, sum dugir væl at lesa, hjálpa tær.

Les týðiliga. Ger tær ómak at úttala orðini væl. Hetta gert tú best, um tú lyftir høvdið og letur munnin væl upp. Royn at fáa øll stavilsi við.