Préparé-w byen. Mandé-w pou kibiten yo maké sé pawòl-la ou kay li la. Lè ou ka li on fraz, antréné-w pou li tout sé mo-la ki k’ay ansanm la, olyé ou li chak mo yonn pa yonn. Fè atansyon pou pa ajouté on mo, woté on mo, oben li on mo pou ondòt. Lè ou ka li, tchenn kont dè sé viwgil-la, sé pwen-la, oben dòt biten konsa ankò.

Di chak mo konm i fo. Si ou pa sav kijan pou li on mo, kouté anrèjistrèman a sa ou ka li la, oben mandé on moun ki ka li byen édé-w.

Palé on mannyè ki klè. Di sé mo-la byen, tchenn tèt a-w dwèt é wouvè bouch a-w byen. Fè éfò pou pa manjé pon mo.