Palàge kpoogá dee ló. Bugi togó boo nú ea beè naa vaá bà emí nuá. Nó gè bugi tã́á bel, níì áá buù kà moǹ bel nì. Ọẹ̀ dẽe kọbé nóo túù dõòna kà moǹ bel nvee gbàà, ge pẹgi sìgà, àbèè ge tú dõòna kà bel nyaamá ló ní ea di dẽè kpá. Bugi nyòòmà bé e bà tọ́ nú boo, tọ́ nú ló, àbèè kè kẽ naa.

Kolí buù kà moǹ belá bé ea bọ́ló gè kolíe naa. Be nóo nyímà bé eo é kólí moǹ belá naa, ẹ̀b mm̀ kpá ea ólò baatẽ́ dém bel, gbàntṍ ló nú e ba beè naa rẹ́kọọ̀d, àbèè ò bĩ́íná nvèè bá lọl bá nen ea ólò láá palàge bugi nu.

Ló bel lọa kè dáa. Tú ọ̀ẹ̀ dẽe kolmá buù kà moǹ belá, dàlà sĩ́ nè boo vaá ò ãanà gã́ leevè. Pììga boo gè kolí buù kà õ̀ònà dẽe.