Maghanda sing maayo. Hunahunaa kon ngaa ginsulat ini. Praktisi nga basahon ang grupo sang mga tinaga sa baylo sang tagsa ka tinaga. Indi pagdugangi, paglaktawi, ukon pagbayluhi ang mga tinaga. Bantayi ang tanan nga pananda ukon punctuation mark.

Mitlanga sing husto ang tagsa ka tinaga. Kon indi ka kahibalo kon paano mitlangon ang isa ka tinaga, pangitaa ini sa diksionaryo, pamatii ang audio recording sang publikasyon, ukon magpabulig sa isa nga maayo magbasa.

Maghambal sing maathag. Mitlanga sing maathag ang mga tinaga, indi magduko, kag itikab sing maayo ang imo baba. Panikasugi nga mitlangon ang tagsa ka taga ukon syllable.