Nwụlanọ yẹẹyẹẹ. Kụ irya nya ang odudu ọlẹ kị́ da ụpwụ ọwẹ. Ọkọkọ nyọka wa omyi ẹla ookpokpo-ookpokpo, maga ká wa omyi ẹla lụmẹ-lụmẹ ju awụlẹ. A tị ya omyi ẹla nyịlọng dọọ lee ọ-yẹ ẹla ọhẹ da lee ọ-gba ẹla ọhẹ hi ka ịnyịnyị. Ba ịna ịlẹ kị́ kaa kpa wa ụpwụ jẹ, ụka ká juwa wa.

Wa omyi ẹla ọnyị myị́ ọnyị kpẹẹkpẹẹ. Tọ ọngọlẹ kọ́ jẹ́ wa ụpwụ yẹẹyẹẹ wo nyọka wụrụ ẹla ọlẹ ká jẹ́ wa ka jeng lee o-ke ụrụ wo la ọwawa nya ụpwụ ọọwa ọlẹ kị́ kịla ju.

Ya ẹla kọ́ ka la gbagbịla. Kpẹhị chịng wa ẹla ọlụpwụ, ká hu egbeju ka uhye-ọgba bala ọ-wụrụ ọnụ nyang ọlam-ọlam. Maga nyịlẹhị-ịlẹhị nyọka ya ẹla ụ-ụgbẹyị ọlẹ kọ́ ka la gbagbịla ha angịkịla.