Ţheggi iman-ik akken ilaq. Nadi aţ-ţeẓreḍ ayɣer i geţwakteb weḥric-agi. M’ara d-teqqareḍ, issin amek ara tesdukkuleḍ imeslayen iwakken ur tɛezzleḍ ara yal ameslay amzun weḥd- es i gella. Ḥader: ur d-rennu, ur ssenqas, ur ţbeddil imeslayen. Err mliḥ lbal-ik ɣer limaṛat n lektiba am: ticcert (,), taneqqiṭ (.), limaṛa n westeqsi (?) akk-d limaṛat nniḍen.

Ssenṭaq-ed akken ilaq mkul ameslay. M’ur tessineḍ ara amek i geţwanṭaq kra n umeslay i tufiḍ di tezmamt i teqqareḍ, nadi deg umawal, ḥess amek i geţţuseǧǧel, neɣ ḍleb i walbeɛḍ i gessnen ad iɣer.

Ssefṛaz lehduṛ. Iwakken a d-tessenṭaqeḍ leḥṛuf n imeslayen akken iwulem, rfed aqerru-k teldiḍ imi-k akken ilaq. Ḥettem iman-ik a d-tessenṭaqeḍ leḥṛuf meṛṛa yellan deg imeslayen.