Kudibongisa mbote. Sosa kuzaba kikuma ya bo sonikaka mambu yina. Meka kutanga mbala na mbala bimvuka ya bangogo, kansi ve ngogo mosi-mosi. Zikisa nde nge ke yika ve bangogo ya nkaka, ke yambula ve bangogo ya nkaka, to ke tanga ve bangogo ya nkaka na kisika ya bangogo ya nkaka. Tula dikebi na bidimbu yonso yina kele na bansa.

Tanga konso ngogo mbote-mbote. Kana nge ke zaba ve mutindu ya kutanga ngogo mosi, sosa yo na diksionere, widikila mutindu bo tangaka ngogo na mukanda yango ntangu bo kotisaka ndinga to yula muntu mosi ya ke tangaka mbote na kusadisa nge.

Basisa bangogo pwelele. Tanga bangogo mbote-mbote, nangula ntu fioti mpi kangula kibeni munoko. Sala bikesa ya kutuba konso kitini ya ngogo.