MILONGI YA 5
Kutanga Kyambote
KYEBHI KI WA TOKALA O KUBHANGA?:
-
Dipelepalale kyambote. Xinganeka se mukonda dyahi a soneka o izwelu i wa mu tanga. Fikisa kutanga izwelu yavulu kumoxi mu veji dya kutanga kizwelu ni kizwelu. Aluka phala kubandekese izwelu, kukatule izwelu, mba kubhilula izwelu. Belesela o ijimbwete i moneka kàla: o jivirgula, jipondo ni ijimbwete yamukwa.
-
Tumbula kyambote o maba moso. Se u mona kwila sayi diba ki wejiya kyebhi kya di tumbula, sota-dyu mu dixonadyu, ivwa o madivulu metu o ngalavale, mba bhinga kikwatekesu ku muthu u tanga kyambote.
-
Zwela mu ukexilu wa bhebhuluka. Tumbula kyambote o izwelu, imika o mutwé, jikula kyambote o dikanu. Bhanga nguzu phala kutumbula o jisilaba joso.