Nengezhai bulongo. Langulukai pa ene mambo o banembejile byambo byo mubena kutanga. Mwafwainwa kutanganga mikuku ya byambo, kechi kutanga kyambo kimo kimo ne. Kechi mwafwainwa kubikamo byambo byabulamo, kukilaukila nangwa kufumyamo byambo ne. Mwafwainwa kuyuka tuchibawilo tuji mu byo mubena kutanga.

Telainga byambo bulongo. Inge kechi mwayuka bya kutela kyambo ne, mwakonsha kuteleka ku byo batela kyokyo kyambo mu mavidyo ne mu mabuku o batangila jimo nangwa kwipuzha muntu wayuka kutanga.

Tangainga bulongo. Pa kuba’mba mutange byambo bibena kumvwanyika, mwafwainwa kwinuna mutwe ne kwasamisha. Ibikaiko kushinkamika byambo byonse.