Pripia gud gud wan. Tink bɔt wetin mek dɛn rayt di say we yu de rid. Praktis fɔ de rid wɔd dɛn togɛda, nɔ jɔs rid di wɔd dɛn wan bay wan. Tek tɛm mek yu nɔ ad wɔd, jomp wɔd, ɔ chenj wɔd dɛn we yu de rid. Rid akɔdin to pɔntueshɔn mak dɛn lɛk fulstɔp, kɔma, ɛn ɔda wan dɛn.

Kɔl ɔl di wɔd dɛn kɔrɛkt wan. If yu nɔ no aw fɔ kɔl wɔd kɔrɛkt wan, luk na dikshɔnari, lisin to buk ɔ magazin we dɛn dɔn rɛkɔd, ɔ aks pɔsin we sabi rid fɔ ɛp yu.

Tɔk klia wan. Tek tɛm kɔl di wɔd dɛn fayn wan, es yu ed ɔp, ɛn opin yu mɔt big wan. Tray fɔ tɔk klia wan.