Жакшы даярдан. Тексттин кандай максат менен жазылганын аныктап ал. Сөздөрдү өз-өзүнчө эмес, тобу менен окуганга көн. Башка сөз кошпой, окубай кетпей же башка сөз менен алмаштырбай оку. Бардык тыныш белгилерине көңүл бур.

Ар бир сөздү туура айт. Эгер кайсы бир сөздүн туура айтылышын билбесең, сөздүктөн кара, окуп жаткан адабиятыңдын аудиожаздыруусун ук же жакшы окуган бирөөдөн жардам сура.

Сөздөрдү так-айкын айт. Башыңды бийик көтөрүп, оозуңду кенен ачып сүйлө. Ар бир муунду калтырбай айтканга аракет кыл.