Teakanya biyampe. Yuka kine kilembēlwe mwanda. Wiibidije kutanga kisumpi kya bishima, pa kyaba kya kutanga kishima pa kishima. Kokabweja’mo bishima, kukila bishima, nansha kushintakanya kishima na kishima kikwabo. Tá mutyima ku bishinkijo byonso.

Tela kishima ne kishima biyampe. Shi kuyukilepo mwa kutelela kishima, kimba’kyo mu dibuku dishintulula bishima, kuteja butangi bwa dibuku bukwate ku mawi, nansha kunena mutangi muyampe akukwashe.

Nena bivwanikwa. Tela bishima senene, bandula mutwe ne kwasama kyakanwa bininge. Longa bukomo bwa kutela silabe ne silabe.