Wahisa kanawa. Shinganyeka ovyo mujimbu kana vausonekelele. Lijilise kutanganga mazu amavulu keshi kutanga lizu limwe nalimweko. Kawatela kuhakilako mazu eka, chipwe kuzombokela zombokela, chipwe kushishisamo mazu eka mumikukuko. Watela kutalanga mikingo yamazu yosena.

Vuluka mazu osena mujila yakwoloka. Kachi nge kawatachikiza kanawa mwakuvulukila mazuko, kaha watela kwivwilila kumazu akukopa amujimbu uli nakutanga chipwe kuhulisa mutu uze atachikiza kutanga kanawa mangana akukafwe.

Hanjika kanawa. Vulukanga kanawa mazu, nakwandula mutwe nakwasama mukanwa. Watela kuzata nangolo mangana uvulukenga kanawa mazu.