Bʼinchanku ttena. Jyonxa tqanil tiʼj tiquʼn e kubʼ tzʼibʼin taqikʼ Tyol Dios. Bʼaʼn tuʼn t-xi t-xnaqʼtzan tibʼa tuʼn tjaw tuʼjina jun txol yol ex nya oʼkx jun yol. Tzʼok tilil tuʼna tuʼn miʼn tok ttzʼaqsaʼna, tuʼn miʼn tkubʼ tchʼixpuʼna nix tuʼn tel tiʼna jun yol. Bʼaʼn tuʼn tkyaj weʼya aj kykanet qe coma tuʼna, qe punto, qeju signo te pregunta ex junjuntl.

Uʼjinktza kykyaqil yol toj tumel. Qa nya ojtzqiʼn tuʼna tzeʼn tuʼn t-xi qʼamet jun yol, jaku tzʼok tbʼiʼna jun grabación tiʼj uʼj in jaw tuʼjina moqa qaninxa onbʼil te jun in bʼant-xix tuʼjin.

Yolina klarxix wen. Bʼaʼn tuʼn tjaw tiʼna twiʼya ex tuʼn tjaw tjaqoʼna ttziʼya tuʼntzun t-xi tqʼamaʼna qe yol klarxix wen. Tzʼok tilil tuʼna tuʼn tjaw tuʼjina junjun sílaba klarxix wen.