Ba heḡaeḡae namonamo. Sivarai e tore badidia ba lalohadailai. Hereva ta ta bona sentens iduahidia daladia na ba praktislaidia. Hereva haida basio ato kau, o basio rea, o basio haidau. Maka maraḡidia iboudiai na ba lalodia bada, heḡereḡere koma (,), fulstop (.), bona question maka (?).

Hereva ta ta ba gwaurai namonamo. Hereva ta igwauraina dalana asi dibamu neganai, namona na pablikeisen ta ena audio recording ba hakalaia, eiava e duahiduahi namonamomu tauna ta ena heduru ba noia.

Ba hereva ḡoevaḡoeva. Hereva ba gwaurai ḡoevaḡoeva totona, kwaramu bavabia isi bona udumu ba kehoa namonamo. Ba hekwarahi hereva ta ta reḡedia na ba gwaurai namonamo.