Lukkuun pojakl̦o̦k im̦aan. L̦õmn̦ak kõn unin kar je katak ak bwebwenato eo kwõj riiti. Bareinwõt ilo jãntõj ko, ewõr jet naan ko me kwõj aikuj riiti ippãn doon. Kõn men in, em̦m̦an ñe kwõj kõmmãlmele kilen am̦ riit naan kein ippãn doon ijello̦kun am̦ riit naan kõn naan. Kõjparok bwe kwõn jab kakkobaba naan, ejjol̦o̦k naan, ak ukoti naan ko kwõj riiti. Ilo am̦ riit, l̦oore comma, period, im ko ãierl̦o̦kwõt.

En jim̦we wãween am̦ ba aolep naan ko. Ñe kwõjaje kilen ba juon naan, kwõmaroñ lale ilo tũkjinede, ak ñe kar rekoote bok eo, eokwe kwõmaroñ roñjake kilen aer ba naan eo ie, ak kwõmaroñ kajjitõk jipañ jãn juon eo elukkuun jel̦ã riit.

En alikkar am̦ riit. Ñe kwõj riit, kwõn lukkuun kajejjet am̦ ba naan ko, im kwõn kotak bõram̦ im jab jillo̦k. Lukkuun kõpel̦l̦o̦k lo̦ñiim̦ ilo am̦ ba naan ko kwõj riiti, im kwõn kate eok bwe en alikkar am̦ riit.