5 УРОК
Чын лудмаш
КУЗЕ ТИДЫМ ЫШТАШ
-
Сайын ямдылалт. Лудшаш текстым молан возеныт, шоналте. Кажне мутым ойырен ит луд, мут савыртыш дене лудаш тырше. Нимомат ит ешаре, ит кодо да ит алмаште. Чарналтыш пале-влакым шотыш нал.
-
Кажне мутым чын каласе. Мутым кузе ойлаш от пале гын, мутерыш ончал, публикацийын аудиовозымашым колышт але сайын лудын моштышо дене каҥаше.
-
Дикцийым эскере. Рашын ойло, вуетым ӱлыкӧ ит волто да умшатым чотрак поч. Мутын кажне слогшым каласе да мутмучашым нелын ит колто.