Pekanyani icete. Manyani umulandu wuno lyolyo ilyasi lyalembezilwe. Mwawelezya ukuwazya iwumba lya mazwi, asa lizwi lyonga na lyonga nge mukupenda. Mwasinincizya ukuti mwawazya wulyanye vino yalemvilwe, mutazipizile ukuwikamo amazwi yanji, ukuciluka nanti ukuyalewunkanya. Mutawazya icikulakula lelo mwawika amano ku vimanyilo vino vilimo.

Mwawazya amazwi ukulingana na vino yakalumbulwa. Nga ca kuti mutamanyile ivya kulumbula izwi limwi, mungateyelezya kwi lyasi ilikopwe pa kuti mumanye vino wakalilumbula, nanti munganena wumwi wino akawazya icete ukuminena ivya kulilumbula.

Mwalanda ivivwike. Mwawazya amazwi wulyanye vino yalemvilwe swinya mwakwasamula umulomo nu kwinula umutwe asa kwinamila pe vyo mukuwazya. Mwakwelezya na maka ukulumbula wulyanye vino yakalumbulwa.