Kuajli xmoyektlali. Xtejtemo tleka onoijkuilo tlen tikamapoujtika. Xmomachti xkinpoua miyekej tlajtoltin niman maka san sejse. Maka xkijto okseki tlen xompa nestokej, maka xkinkixti nion xkinpatla tlajtoltin. Xkimita nochi signos de puntuación, ken coma, punto final, signos de interrogación niman okseki.

Xkimijto nochi tlajtoltin ijkon ken noijtouaj. Tla xtikmati kenon noijtoua se tlajtojli, xtekitilti se diccionario, xkaki se grabación itech amatlajkuilojli tlen tikpoujtika noso xtlajtlanili mamitspaleui yakaj akin kuajli tlaamapoua.

Kuajli xtenkixti. Xkinyektlali motlajtoluan, xmelajkatlali motsontekon niman kuajli xtlapo mokamak. Xyejyeko kuajli xkintenkixti nochi sílabas.