Konzekelani mokwanila. Ziŵani cifukwa cake nkhani iyo yelembewa. Ŵelengani malizu m’magulu osati lizu iliyonse payeka-pakeka. Osaikamo malizu amene paliye papepala, kujumphila malizu, kutomola malizu ayakine amene olingana nao olo kuyatomola molakwika. Konkhani malamulo akalembedwe.

Tomolani lizu iliyonse molondola. Ngati muziŵa lini kutomola luweme malizu, mungaone mu dikishonale, kumvwishila ku cofalisa camene celekodewa olo kukonsha munthu oziŵa bwino kuŵelenga kuti akuyavyeni.

Laŵilani momvwika bwino. Yesayesani kutomola malizu mwayofunikila kumvwikila, mukonyamula mutu osazhyolika nosegula pakamwa ngako kuti malizu yakomvwika luweme.