Kpɛ̄naloo leere. Suā nu anua a bee lu e’ɛm lo ue. Nɔ kɛ̄ ebuū pya ue a le ziī ekpokɛ̄ doo, e a naale ziī ziī bee ue. O aa yere ue a naale lo kɛ̄, pɛɛgi bie pio ue, ale su dɔɔ̄na ue nyaana loo lo a le. Yira sa seea piogi kɛ̄ a bɔloo.

Kue ziī ziī bee ue leere. Lo a le oo suā kɛ̄ ekue ziī bee ue doo, si bu kpa a wee tɔgɛ nɛɛ kɛ̄ ekue nu doo, gbaɛ̄tɔ̄ lo ebee lu eyere bu gama, ale o kɔ nɛɛ a para ebuū nu a ee a yerebah a nɛ.

Kɔ ue bu sīdee a lu edābeeloo leere. Kue ziī ziī bee ue, lere o ekobee e o aa uubeekɛ̄, sa o kpaāna o egā lokwa a lu edā ziī ziī bee ue o kue. Piiga lo ekue ziī ziī bee ue kɛ̄ a lu eseege doo.