Дӕхе хуарз цӕттӕ кӕнӕ. Расагъӕс кӕнӕ, еци скъуддзаг финст цӕмӕн ӕрцудӕй, уобӕл. Кӕсӕ, хецӕн дзурдтӕ нӕ, фал дзурдбӕститӕ. Дӕхецӕй си маци ’фтауӕ ӕма маци ӕндӕ кӕнӕ, удта си ӕййевгӕ дӕр маци кӕнӕ. Ӕрхуӕцӕн нисӕнттӕмӕ дӕр кӕсӕ.

Алли дзурд дӕр раст кӕсӕ. Кӕцидӕр дзурд куд кӕсун гъӕуй, уой ку нӕ зонай, уӕд имӕ дзурдуати ӕркӕсӕ, публикаций аудиоӕрмӕгмӕ байгъосӕ кенӕ ба, хуарз ка кӕсуй, уӕхӕн адӕймаги бафӕрсӕ.

Дзурдтӕ кӕдзос дзорӕ. Кӕсгӕ-кӕсгӕй дӕ сӕр уӕлӕмӕ исесӕ, ӕма дӕ гъӕлӕс дзӕбӕх игон кӕнӕ. Архайӕ, цӕмӕй дзурди хӕйттӕ кӕдзос дзорай ӕма кӕрӕнттӕ дӕр ма нихъуӕрай.