Prepará bon. Pensa pakiko e pasashi akí a ser skirbí. Ora bo ta praktiká, lesa grupo di palabra en bes di pronunsiá nan ún pa ún. Tene kuidou pa bo no hinka palabra, bula palabra òf kambia un palabra pa otro. Tene kuenta ku tur e signonan di puntuashon.

Pronunsiá kada palabra korektamente. Si bo no sa kon pa pronunsiá un palabra, busk’é den dikshonario òf skucha un grabashon di e publikashon òf pidi un bon lesadó yuda bo.

Papia kla. Pronunsiá e palabranan na un manera kla. Tene bo kabes na haltu, i habri bo boka sufisientemente hanchu. Hasi esfuerso pa pronunsiá kada sílaba.