چنگی طرحاں تیاری کر‌و۔‏ سوچو کہ جو بیان تُسی پڑھو گے اوہ کیوں لکھیا گیا سی۔ اِک اِک لفظ نہ پڑھو سگوں ویکھو کہ کیہڑے لفظاں نُوں کٹھا پڑھیا جانا چاہی دا اے۔ فیر اوہناں دا گروپ بنا کے پڑھن دی مشق کر‌و۔ ایس گل دا خیال رکھو کہ جو کجھ لکھیا اے اوہدے چ تُسی اپنے وَلّوں کوئی لفظ نہ پاؤ، کسے لفظ نُوں چھڈ نہ دَوو یاں کسے لفظ دی جگہ کوئی ہور لفظ نہ پڑھو۔ جملیاں دے وچ تے آخر چ دِتے گئے نشانا‌ں نُوں وی دھیان چ رکھو جیویں کہ ختمہ (‏۔)‏، سکتہ (‏،)‏ یاں سوال دا نشان (‏؟)‏ وغیرہ۔‏

صحی تلفظ نا‌ل پڑھو۔‏ جے توانوں نئیں پتہ کہ کوئی لفظ کیویں پڑھیا جاند‌ا اے تے اوہنوں لغت چ ویکھو، کتاب یاں رسالے دی آڈیو ریکارڈنگ سنو یاں فیر کسے ایہو جہے بندے کولو‌ں مدد لو‌و جنہوں صحی تلفظ دا پتہ ہووے۔‏

صاف صاف پڑھو۔‏ لفظاں دا صحی تلفظ کر‌و، سر سدھا رکھو تے مونہہ کھول کے بولو۔ ہر لفظ اِنج بولو کہ اوہ صاف تے پورا سنائی دَوے۔‏