Sumajta wakichikuy. Bibliamanta leenayki kashan chay versículos imaraykuchus qhelqakusqanpi piensariy. Wakichikushaspaqa ama palabritamanta palabrita leeychu, manachayqa ujllapi ashkha palabrasta leey. Leeshaspaqa sumajta qhawarikuy tukuynin palabrasta leenaykipaj, ama waj palabrasta yapaykunaykipaj, nitaj palabrasta cambianaykipaj. Chantapis puntos, comas, waj imaspiwan rikhurejtin, chaykunata ama cheqanta pasarpallaychu.

Allinta sapa palabrata leey. Imaynatachus uj palabrata leena kasqanta mana yachaspaqa, leenayki kashan chay publicacionmanta uj grabacionta uyariy, chayri sumajta leej hermanowan yanapachikuy.

Ama simi ukhullapi parlaychu. Sapa palabrata sumajta tʼojyachiy, chʼuwitata parlay, ama kʼumusqalla leeychu, simiykitapis jatunta kichariy. Sapa palabritata sumajta leenaykipaj kallpachakuy.