Kutin kutin leyï. Allim estudianëki leyinëkipaq kaq textupita maslla musyanëkipaq. Juk palabrallata yarqupushunqëkiyaq leyinëkipa rantin, llapanta leyï. Escribirëkanqantanö leyita procurë, ama cambiëtsu ni yaparkur leyitsu. Tapukï kaptinqa (¿?), pitapis tapïkaqnö leyï, cöma (,) o puntu (.) kaptinqa ichik jamarinëkim y diëresis ( ͏̈) kaptinqa sutëpanömi leyinëki.

Llapan palabrakunata shumaq pashtatsi. Leyikanqëki palabrata imanö pashtatsiyanqanta mana musyarqa, tsë leyikanqëki publicacionpa grabacionninta wiyari o juk alli leyeqta nï yanaparishunëkipaq.

Palabrakunata cläru leyi. Peqëkita o umëkita pallarkur y shimikita shumaq kicharkur palabrakunata cläru leyi. Llapan palabrakunata cläru pashtatsinëkipaq kallpachakï.