Akapapa meitaki. Akamanako eaa te tumu i tataia ai taau ka tatau. Apiipii akapeea me tatau i te au kupu e akakite ra no runga i tetai manako, kare kia tatau ua i te au kupu tataki tai. Auraka e kapiti mai i taau uaorai tuatua, auraka e taui i te au kupu, tatau i tei tataia. Akara e teiea te au koma, te periota, te uianga e te vai atura.

Kia tano te tuatua anga i te au kupu. Me kare koe e kite akapeea me tuatua i tetai kupu, akarongorongo ki te rekotianga o te reira puka taau ka tatau, me kore e pati i tetai taeake karape i te tatau, kia tauturu mai ia koe.

Kia takataka taau tuatua. E tuatua takataka i te au kupu, kia tu toou katu ki runga eiaa e piko ki raro, amama meitaki i toou vaa kia takataka taau tatau. Tauta ua atu rai i te akamaata atu i toou karape i te tatau.