Ker tuke lačhi priprava. Rozmišľin, pal soste geneha a soske sas oda pisimen. Gen jekhetane buter lava, na ča pal o jekh lav. Ma prithov odoj ňič, so odoj nane, ma prechuťker, aňi ma previsar o lava. Ker mište le hlasoha odoj, kaj hin bodka, čjarka, otazňikos the aver znački.

Dojekh lav pregen sar kampel. Te na džanes sar varesavo lav te pregenel, šun tuke e nahravka, sar odoj oda genen. Abo mang varekas, ko mište genel, kaj tuke oleha te pomožinel. Pregen tuke oda buterval nahlas, kaj te šunes, či oda genes mište. Gen oda avka, sar tuke džal feder, napriklad o lav „buťi“ romanes šaj pregenes „buťi“ abo „buči“.

Vaker avka, kaj tut te achaľon. Ma vaker tel o nakh, aľe buter phuter o muj, ľiker o šero upre, ma ľiginker (ma nakhav) o lava. Paľis o manuša achaľona dojekh lav, savo genes.