5. LEKCIJA
Čitin tačno
SAR TE ČERE ODOVA:
-
Spremin tut šukar. Razmislin sose tano odova pisimo. Vežbin te čitine grupa ando lafija, a na lafi palo lafi. Pazin te na čhive, te na ikalje ja te na promine o lafija. Dikh sa o znakija sar soj tane i tačka, o zarez ja o znak pučibase.
-
Vačer svako lafi tačno. Ako na džaneja sar te vačere disavo lafi, šun o audio snimak andi publikacija koja čitineja ja puč džikas so šukar čitini te pomožini tuče.
-
Vačer jasno. Vačer o lafija sar so pisini, vazde to šero upre hem šukar phrav to muj. De sa tutar te vačere svako lafi jasno.