Προετοιμάντιβεν λατσσές. Σκεφτίνεν σόσκε γραφίντιλο ανταβά σο διαβάνενα. Κάνα κερένα πρόβες μα τι διαβάνεν ξεχωριστά ι κάθε εκ λέξη αλλά τι διαβάνεν σαρί ι φράση μαζί. Προσοχίνεν μα τι τσσουβέν, μα τι μουκχέν ντα μα τι αλλάνεν λέξεις. Τι ντικχέν σαρέ ο σημεία στίξης, σαρ ισί ο κόμματα, ο τελείες ντα ο ερωτηματικά.

Τι βακερέν σωστά ι κάθε λέξη. Άμα να τζανένα σαρ διαβάντιβελα εκ λέξη, αρακχέν-λα εκχέ λεξικόστε, ασουνέν ι ηχογράφηση σο τθερέλα ανταβά έντυπος ή μανγκέν ι βοήθεια εκχέ τζενέσκι σο τζανέλα τι διαβάνελ λατσσές.

Τι κερέν λάφι καθαρά. Τι τθερέν οπρέ τουμαρό σορό ντα τι πουτρέν λατσσές τουμαρό μούι για μα τι τσαμτσαρέν λέξεις. Προσπαθίνεν τι βακερέν ι κάθε συλλαβή.