Manomàna soa. Diniho hoe manino raha io ro nisoraty. Miezaha hamaky safà maromaro mitambatsy, fa tsy safà kiraidraiky. Ambeno soa tsy no hisy safà miampy na voadinga na nisolo safà hafa. Henteo soa teboky noho faingo rey.

Tonono soa ty safà kiraidraiky. Laha tsy hainao hoe akory ty fanonona safà raiky, le manentea diksionera, mijanjina boky nalà feo, na mangataha fanampea amin’olo mahay mamaky teny soa.

Mivolana mazava soa. Laha miandra noho manokatsy vava tsika le hiboaky soa ty raha volanintsika. Miezaha mba ho voatono soa ty safà kiraidraiky.