Seeka iseei bunu: Pakisei faandi mbei di tëkisi sikifi. Pooba u lesi wan hii kulupu u wöutu, ma na lesi de wanwan-fu-wan. I musu ta köni be ja buta woto wöutu ko, be ja djombo wöutu, söseei be ja tooka dee wöutu. Buta pakisei a hii dee sikifi maaka.

Kai dee wöutu bunu. Ee ja sabi unfa de ta kai wan wöutu, nöö suku ën a wan wöutu buku, nasö haika fa de bi lesi ën a di audio u di buku dë, ee nasö hakisi wan sëmbë di ta lesi bunu be a piki i unfa i musu lesi di wöutu.

Fan gbelingbelin. Kai dee wöutu bunu, hopo i hedi buta tololoo, nöö jabi i buka bumbuu. Mbei möiti fii ta kai dee wöutu kumafa i musu kai de.