நன்றாகத் தயாரியுங்கள். அந்தப் பதிவு ஏன் எழுதப்பட்டிருக்கிறது என்பதை யோசித்துப் பாருங்கள். வார்த்தைகளைத் தனித்தனியாக வாசித்துப் பழகாதீர்கள்; சேர்த்து வாசிக்க வேண்டிய வார்த்தைகளைச் சேர்த்து வாசித்துப் பழகுங்கள். நீங்களாகவே வார்த்தைகளைப் புதிதாகப் போட்டு வாசிக்காதபடியும், வார்த்தைகளை விழுங்கிவிடாதபடியும், மாற்றி வாசிக்காதபடியும் கவனமாக இருங்கள். எல்லா நிறுத்தக் குறிகளையும் கவனியுங்கள்.

ஒவ்வொரு வார்த்தையையும் சரியாக உச்சரியுங்கள். ஒரு வார்த்தையை எப்படி உச்சரிப்பது என்று உங்களுக்குத் தெரியாவிட்டால் அகராதியில் பாருங்கள், அல்லது அந்தப் பிரசுரத்தின் ஆடியோ பதிவைக் கேளுங்கள், அல்லது நன்றாக வாசிக்கத் தெரிந்த ஒருவரிடம் கேளுங்கள்.

தெளிவாக வாசியுங்கள். தலையை நிமிர்த்தி, வாயை நன்றாகத் திறந்து, வார்த்தைகளைக் கவனமாக உச்சரியுங்கள். அவற்றிலுள்ள எழுத்துக்களை விழுங்கிவிடாதீர்கள்.