Wa iyol tsembelee. Gbidye kwar fa er i hii ve i nger kwagh la yô. Hen fa u kohol asember ôron a hen shighe môm, i de lu u ôron ishember i môm i môm ga. Wa ikyo de seer ishember shin ôron undun ishember shin musan asember ga. Ver ishima sha akav a memen.

Yila hanma ishember vough er i yer i la. Aluer u fa er i yer ma iti ga yô, za nenge ken dikishenali shin za ungwa ape i kor ngeren shon i ver la, gayô ôr or u nan fe takerada u ôron tsembelee yô, nana wase u.

Lam i wanger. Yila asember sha inja, shi de we ityough inya ga, shi bugh zwa tsembelee. Nôngo lam i wanger wang ken ato.