Dzi dongiseye gwadi. Dundrugeya khu gighelo nya gulowe nya malito yoyo. Dzi olovedze gu leri malito khu mitsawa, nasiri khu limwedo limwedo basi. Dzi woneye gu engedzeya, gu ndraga, mwendro gu tshikedza khu mambe malito tepo u lerigo. Landra dzipontu dzatshavbo.

Rana lito ni lito khedzi li ganedwago khidzo. Wo ba u si kodzi gu rana lito nyo khaguri, engiseya omu nya mabhuku ma gravharidwego, mwendro gu wudzisa muthu u mu tigo na leri gwadi.

Ganeya si pwala gwadi. Rana gwadi malito, u khusedza thamu, u bwe u tula gwadi likana. Dzi garadzeye gu pwadza dzisilabha dzatshavbo.