Redi gut. Tingim wai na ol i raitim ol dispela tok. Mekim prektis long ritim wanpela lain tok insait long sentens na i no wanpela tok tasol. Was gut long kolim nating tok i no i stap long sentens, kalapim sampela tok, o senisim wanpela tok. Bihainim gut ol koma na fulstop samting.

Kolim stret wan wan tok. Sapos yu no save long hau long kolim wanpela tok, orait lukim dispela tok long dikseneri, harim odio rekod bilong dispela pablikesen, o askim wanpela i save gut long rit long helpim yu.

Kolim klia ol tok. Apim het na opim maus bilong yu bikpela liklik na bai yu inap kolim klia ol tok. Traim long kolim stret olgeta hap bilong ol wan wan tok.