Яхшы әзерлән. Текстның ни өчен язылганы турында уйла. Аерым сүзләрне түгел, ә сүзтезмәләрне укырга өйрән. Сүзләрне өстәмә, төшереп калдырма һәм бер сүзне башкасы белән алыштырма. Бөтен тыныш билгеләренә игътибар ит.

Һәр сүзне дөрес әйт. Берәр сүзнең дөрес әйтелешен белмәсәң, аны сүзлектән кара, басманың аудиоязмасын тыңла я оста укый торган кардәштән ярдәм сора.

Дикцияң яхшы булсын. Башыңны күтәреп һәм авызыңны киң ачып, сүзләрне дөрес, ачык, аңлаешлы итеп әйт. Һәр иҗекне әйтергә тырыш.