A faaineine maitai. A feruri eaha te tumu i papaihia ˈi teie parau. A haamataro i te taio ma te hiˈo i te mau taˈo i muri mai. Eiaha e faaô mai i te parau o tei ore i papaihia, eiaha e ouˈa aore ra e mono i te hoê taˈo. A haapao maite atoa i te mau tapao tomaraa.

A faahiti i te mau parau ma te tano maitai. Eaha te nehenehe e rave aita anaˈe oe i ite e nafea ia taio i te hoê taˈo? A hiˈo i roto i te hoê titionare, a faaroo i te taioraa haruharuhia aore ra a ani i te tauturu i te tahi taata aravihi i te taio.

Ia taa maitai te taata i ta oe mau parau. A faahiti i te mau parau ma te papu. A faateitei i te upoo e a hamǎmǎ maitai i te vaha. A tutava i te taio i te mau tuhaa atoa o te hoê taˈo.