ELILONGISO 5
Tanga Ciwa
NDOMO O CI LINGA:
-
Lipongiya ciwa. Sokolola esunga lieci ulandu waco wa sonehiwila. Poku tanga tokekisa olondaka okuti ku tangi ondaka londaka. Kuata utate oco ku ka vokiye ondaka yimue, oku tẽha, ale oku piñainyapo yikuavo. Ku ka ivaleko atulo osi ndeci: o virgula, etosi, ale etosi liepulilo.
-
Tukula ciwa olondaka. Nda kua kũlĩhĩle ndomo o tukula ondaka yimue, yevelela ulandu welivulu wa ngalavaliwa, ale pinga ekuatiso komunu umue o tanga ciwa.
-
Vangula lonjila yi lomboloka. Tukula ciwa olondaka, petula utue kuenda yikula ciwa omela. Likolisilako oku vangula lonjila yi lomboloka.