Mwiilokiheryeke oratteene. Muupuweleke etthu yiirinhe olempwa mwaha onisoma anyu. Mweereryeke osoma egrupu ya moolumo, ohiya nuulumo nimosa-nimosa. Mukhalane ephoole wira muhincererye, otupha wala oturuka moolumo. Mmumuleleke opuro ori vírgula ni mweemeleke vakhaani opuro ori ponto.

Muromoleke khula nuulumo ntoko nilempwe aya. Mwaahisuweleke moota woosoma nuulumo nimosa, nwehe mudisionaarioni, nwiriyane moolumo oogravariwa a iliivuru sahu, wala mmukoheke mutthu onisuwela osoma saana.

Mulavuleke vowiiwanyeya. Okathi onilavula anyu, muromoleke moolumo oratteene, mweemexeke oratteene muru anyu ni muhuleke saana eyano anyu. Mwiimananiheke osoma saana khula nuulumo.