ARADMAN 5
Husto nga Pagbasa
KON PAONAN-O ITO BUBUHATON:
-
Pag-andam hin maopay. Hunahunaa kon kay ano nga iginsurat an teksto. Praktisa an pagbasa han grupo hin mga pulong, diri la han indibiduwal nga mga pulong. Ayaw dugangi, laktawi, o balyui an mga pulong. Sunda an tanan nga puntwasyon.
-
Husto nga luwasa an tagsa nga pulong. Kon diri ka maaram kon paonan-o luluwason an usa ka pulong, kitaa ito ha diksyonaryo, pamatii ito ha audio recording han publikasyon, o pagpakiana ha usa nga maopay magbasa.
-
Pagyakan hin klaro. Luwasa hin maopay an mga pulong, tadonga an imo ulo, ngan abrihi hin maopay an imo baba. Pangalimbasog nga maluwas an tagsa nga silaba.