Waajalal sa bopp bu baax. Xalaatal ci li tax ñu bind li ngay jàng. Bul jàng benn baat, taxaw, jàng beneen, waaye booleel ay baat booy liir. Bu ci yokk dara, bu ci wàññi dara, te bul jaawale baat yi. Booy liir toppal li lay won fi nga war a taxaw tuuti walla fi nga war a liire ni ab laaj, ak yu mel noonu.

Waxal bu baax baat bu nekk. Boo xamul ni ñuy waxe benn baat, déglu ko ci suñu palaas ci internet mbaa nga laaj ko ku mën a liir bu baax.

Waxal ak baat bu leer. Siggil te ubbi sa gémmiñ bu baax ndax li ngay wax leer. Fexeel ba kàddu yépp leer bu baax.