Man̈omàn̈a tsara. Aleva onon̈o antsendriky antony nanoratan̈a raha vakinao io. Tsy volan̈a tsiaraikiaraiky vakin̈y, fa mianara mamaky volan̈a maromaro mitambatra. Mitandrema baka tsy man̈ampy na man̈adoso na man̈ova volan̈a voasoratra ao. Tandrema tany tokony hijanon̈ana jiaby, karaha ataony virgily, teboko, lamariky ahaizan̈a fan̈ontanian̈a.

Ataova marin̈y fomba fanon̈onanao volan̈a tsiaraikiaraiky. Izikoa tsy hainao fanon̈onan̈a volan̈a araiky, tandrin̈esa boky na gazety nalain̈y feo misy volan̈a io baka hahaizanao izy, na mitadiava olo mahay mamaky teny tsara han̈ampy anao.

Ataova mazava volan̈anao. Tonon̈a mazava volan̈a jiaby, ke aza miondriky baka io sokafa be vavanao, koa fa mamaky teny. Ataova mazava tsarabe fanon̈onanao volan̈a tsiaraikiaraiky.