Akoseceleje cenene. Amanyileje lisosa lyalembele nganijo. Alinjilileje kuŵalanga makuga ga maloŵe m’malo mwakuŵalanga liloŵe limolimo. Pakuŵalanga, akaleka soni akajonjecesya, kapena kutyosya maloŵe gane. Akuyeje yimanyilo ya kalembe.

Akolanjeje maloŵe cenene. Naga ngakumanyilila kakolanje ka maloŵe mpaka awungunye mu dikishonale, m’mabuku gakwambula gakwamba kupikanila soni mpaka amŵende mundu jwakusaŵalanga cenene kuti ŵakamucisye.

Aŵalanjeje mwakupikanika cenene. Akolanjeje maloŵe mwakusamala, akakotimisya mtwe wawo soni awuguleje cenene pakamwa pawo. Alinjilileje kuŵalanga maloŵe gosope mwakupikanika cenene.