BIN 5
Ngan Beeg nib Puluw
ROGON NI NGAN RIN’:
-
Mu fal’eg rogom nib fel’ rogon. Mu lemnag fan ni kan yoloy e pi thin nem. Mu fil rogon i beeg boor bug e thin taab yay ko bin ni ngam beeg ni tataabbug. Mu guy rogon ndab mu puthuy boch ngay, ara mu pag reb, ara mog reb ni gathi ir e bay riy. Mu fal’eg i yaliy e gin ni bay e comma, ara period, ara question mark riy.
-
Mog bbug nge bbug e thin nib fel’ rogon. Faanra dam nang rogon i yog bbug e thin, mag motoyil ko audio recording ko fare babyor ni kan ngongliy, ara mog ngak be’ nib salap ko beeg babyor ni nge ayuwegem, ngemu’ mag beeg nib ga’ lamam in yay nge taw ko ngiyal’ ni ke yag ni ngam beeg nib fel’ rogon.
-
Mu non nib tamilang. Mu pug owchem nga lang mag bing langam, ma gog fa yu bugithin nib fel’ rogon. Mu guy rogon ni ngam non nib tamilang.
