Kubama buboti. Tomba zaba kibila mbi mambu beni masonimina. Kubama mu kutanga bikuma biwombo, bika to kikuma kimweka kimweka. Keba mwingi wubika bwela, kusombuka voti kuvingisa bikuma. Tala buboti bidimbu bidi mu matangu.

Tanga kadika kikuma mu phila kisonimina. Boti wusa zaba ko bwidi bu kutangila buboti kikuma, bila kiawu mu buku yimvisikisanga bikuma (dicionário), yuwa matangu ma kilongulu beni maswekulu mu fono voti dinda khomba zebi tanga buboti ka kusadisa.

Tanga mu phila yilenda visulu. Ba keba keba mwingi kutanga buboti kadika kikuma, nanguna ntu ayi zibula buboti munu. Vanga mangolo ma kutanga kadika kisono.